السبت 16 أكتوبر 2021
أراء و مقالات
ماتستعجليش
الكاتب: مايكل سامي
 دلوقتي إنتي جالك عريس وفرحانه بيه .. لازم تسألي نفسك سؤال مهم جدا.. إنتي فرحانه علشان جالك عريس وهتلبسي الفستان الابيض، ولا فرحانه علشان جالك راجل متمنتيش أفضل منه في حياتك.
لو للسبب الأول فأسمحيلي اقولك «متستعجليش» علشان قريب اوي هتصدعينا ببوستات كلها نكد وكآبه. نيجي لنقطة تانيه أهم من الاولى .. إنتي دلوقتي اتخرجتي وبتدوري على شغل. وبتسمعي كلمة «مش هنفرح بيكي» في كل مكان تروحيه فبتتأثري منها وتكتأبي وتبدأي تصلي إن ربنا يبعتلك عريس علشان متسمعيش الكلمة دي تاني.
فأحب اقولك تاني «متستعجليش» علشان قريب اوي هتصدعينا ببوستات على الفيس بوك كلها نكد وكآبه. لأن بمجرد ماتتجوزي هيقلولك مفيش حاجه جاية في الطريق؟
انا لحد دلوقتي الناس بتقولي في الافراح عقبال عوضك .. مع إن بنتي بتكون على كتفي. وده لأن الناس حافظة مش فاهمه.
بصي يا ماما .. بصي يا حبيبتي
هقولك على تمرين بسيط تعمليه كل يوم مرتين قبل كل وجبة هتدخلي الحمام وتقفلي على نفسك الباب وتقفي قدام المرايه وتقولي: «وانت مال يا بارد».. قوليها تلات مرات قبل كل وجبة.. قولتيها واتمرنتي عليها؟
شاطره خالص .. انسيها بقي علشان عيب تقوليها للناس ... انتي محترمة ومتربيه .. بس كفاية انك تقوليها في سرك لكل شخص هيقولك مش هنفرح بيكي بقي كنوع من أنواع التبريد الداخلي لماتور الدم اللي بيغلي وبخاره طالع من ودانك.. ايااااااااااااااااااااااااااااااااكي تستعجلي .
وكلمة تستعجلي كلمة جميلة بحب اقولها في كل محاضرة اكون فيها.. تأملوا الكلمة.. تستعجلي.. تستعجلي.
مشتقه من كلمة «عجل» وهو الحيوان الغير عاقل.. أي لا تفقدي عقلك. متستعجليش وتختاري عريس والسلام علشان تهربي من كلام طنط أماني ولا كلام طنط سهام. لأن طنط أماني وطنط سهام مش هيبطلوا نميمه عليكي في الرايحه والجايه بعد ما تتجوزي ويتريقوا على الكحل السايح بسبب دموع عينك اللي نازلة علشان تصرفات المحروس اللي استعجلتي واختارتيه.
افهمي.. عندك كم سنة دلوقتي؟ 18؟ 22؟ 26؟ 30؟ 40؟ ولسه متجوزتيش؟
طيب أيه يعني.. طيب ما هي سارة بنت أم سارة 17 سنة ومتجوزة علشان جسمها حلو حبتين وعرسانها كانوا كتار وفرحت انها هتلبس الفستان الابيض.. سارة دلوقتي معاها أربع عيال وحامل في الخامس وطالع عينها مع جوزها اللي اعتبرها آلة لزيادة عدد السكان ليس اكتر.. لا بتسمع كلمة حلوة ولا بيشيل معاها عيل ولا بيحتويها لما بتضايق. تعالي بقي شوفي منال بنت أم منال 38 سنة ولحد النهارده متجوزتش.. صدقوني بشوفها باصاب ببهجة وأحس أن للسعادة أركان كثيرة منها النظر في وش منال.. حلاوة ايه وإهتمام بالنفس ايه ومرح ايه.. قولتها كتير وهكررها: تموتي ملكة في بيت أبوكي افضل من انك تموتي جارية في بيت جوزك.
اختاري اللي يعترف أنك أميرة .. وإن مجاش الأمير اللي يخطفك كفاية انك خطفتي السعادة وعشتيها.
متستعجليش وتتجوزي حد طمعان في جسمك.
متستعجليش وتتجوزي حد طمعان في فلوس ابوكي.
متستعجليش وتتجوزي حد طمعان في جمالك.
متستعجليش وتتجوزي حد طمعان في شهادتك.
متستعجليش وتتجوزي حد طمعان في شغلك ومرتبك.
متستعجليش وتتجوزي حد طمعان في عيلتك.
وانتي ناضجة وقادرة تفرقي بين طبيعة تفكير اللي قدامك، وخدي بالك .. تسرعك مش هيعود عليكي انتي وبس بالفشل .. بالعكس
- هيعود على اطفالك اللي مش هتعرفي تحسني تربيتهم بسبب كسرتك وحزنك،
- هيعود على اهلك اللي هيحسوا بالندم انهم رموكي،
- هيعود على اصحابك اللي دايما هيشفوكي حزينه وبعيده عنهم،
- هيعود على مجتمعك اللي مش هتقدري تفيديه بأي شئ.
انشري الكلام ده ووعي اصحابك .. ساعديهم في فك أول عقدة في حبل بيتربط على رقبتهم .. هيدعولك صدقيني قدام شوية .. لما عينيهم تبصر الكارثه اللي كانوا هيتحطوا فيها. الجواز مش جامعة هتسبيها وتشوفي غيرها .. الجواز حياة ...
وحياة العيش والملح اللي مش بينا .. متستعجليش.. متست(عجل)يش.


لا توجد تعليقات لهذا الخبر
البابا تواضروس يدشن ثلاث مذابح بكنيسة القديسين بسيدى بشر
 السبت 12 يونيهة 2021 دشن قداسة البابا تواضروس الثاني ثلاثة مذابح في كنيسة القديسين مار مرقس الرسول والبابا بطرس خاتم الشهداء، بمنطقة سيدي بشر بالإسكندرية ...
المزيد
قاعدة 3 يوليو البحرية


فيلم حياة كريمة


البث المباشر
تابعونا
أستطلاع الرأي
نتيجة إستطلاع الرأي في:
هل توافق على منح الجنسية المصرية مقابل وديعة مالية بمبلغ 7 ملايين جنيه مصري؟
نعم
60 %
لا
75 %
غير مهتم
49 %
هل توافق على منح الجنسية المصرية مقابل وديعة مالية بمبلغ 7 ملايين جنيه مصري؟
  نعم
  لا
  غير مهتم
بريد القراء
عزيزى القارئ يمكنك التواصل معنا بأراءك و افكارك فى اى مواضيع ترغب فى طرحها
للتواصل معنا, برجاء إضغط هنا
بريد القراء
ماهر منير
أهنئكم بعيد الميلاد ال15 لجريدتنا الغراء ارثوزكس نيوز .. اللي بنستناها من اسبوع لاسبوع ولما نلاقيها في الكنيسه كأننا وجدنا جوهره ثمينه لما تحتويه من مواضيع مختلفه في كل م ...... »
المزيد
مارجريت شاكر
اصدق مجلة وأكثر مجلة احتراما ً في امريكا شكراً لأصحابك الكرام استاذ عزمي حنا ومدام ماري الي الامام دائماً ...... »
المزيد
Karam Mikhail
Orthodox News More than Excellent . Well- arranged, updated, nothing is missing, political news , essays , photos , religious affairs , church news , warnings against wea ...... »
المزيد
ماري
شكرا لوضعكم الجريده علي الانترنيت لاننا نشتاق ان نقرأها كل يوم وشكرا علي مجهودكم في محاولة تغطيته كل الاحداث ربنا يبارك. ...... »
المزيد
AMAL MONEER
الموقع جميل ربنا يبارك عملكم ...... »
المزيد
أخبار الرياضة
الحشود تستقبل أبطال اليورو فى شوارع إيطاليا
 الأثنين 12 يوليه 2021 شهدت شوارع العاصمة الإيطالية روما، اليوم الإثنين، تجمع حشود من جماهير المنتخب الإيطال ...... »
المزيد
إساءات عنصرية بحق لاعبي منتخب إنجلترا السود بسبب ركلات الترجيح
 الأثنين 12 يوليه 2021 انهالت الإساءات العنصرية بحق ماركوس راشفورد وجيدون سانشو وبوكايو ساكا على خلفية فشلهم في ترجمة ركلاتهم الترجيحية ال ...... »
المزيد
الأهلي يطعن على طلب الزمالك لقب نادى القرن فى وزارة التموين
الجمعة 10 يوليه 2020 قرر النادى الأهلى تقديم طعن رسمى خلال الـ72 ساعة المقبلة على الطلب الذى تقدم به نادى الزمالك لوزارة التموين والتجارة الداخلية خلال الساعات الماضية، لتسجيل العلامة التجارية بلقب نادى القرن الأفريقى باسم القلعة البيضاء، وقال مصدر إن الأهلى سيتقدم بطعن على طلب الزمالك الذى تقدم به الأخير يوم 5 يوليو الجارى لوزارة التموين لأن ...... »
المزيد
تفاصيل جديدة لتهم الفساد المرتبطة بالتصويت على كأسي العالم بروسيا وقطر
الثلاثاء 7 أبريل 2020 وجهت تهم الفساد والاحتيال المصرفي وغسل الأموال ضد المديرين التنفيذيين السابقين في شبكة "فوكس" الإعلامية الأمريكي ...... »
المزيد